"Рубрик деч посна", 2018 ий, Ӱярня тылзын 7-ше кечыже

Тора йӱдвел Норильскыште

Статьян авторжо Ирина Степанова

норильск-1Кодшо кечылаште Норильскысе публичный книгагудышто Йошкар-олаште шочын-кушшо ӱдырамаш А.А.Круковскаян усталык касше эртен.
Алевтина Алексеевна Йошкар-Олаште шочын. Тыштак педучилищым, художественный училищым да Н.Крупская лӱмеш Марий пединститутым тунем лектын.
Норильскыште 1985 ий годсек ила. Тӱрлӧ йочасадыште воспитательлан пашам ыштен. Пенсий деч ончыч Йоча-влаклан усталык рӱдерыште тыршен, йоча-влакым фитодизайнлан туныктен. «Фортуна» ДОЦ-ышто икшыве-влакым сӱретлаш кумылаҥден. Тыште марий-влакым «Марий Эл» национально-культурный ушемыш чумырен.
норильскПенсийыш лекмекыже, сӱретлаш шукырак тӱҥалын. Кызыт «Акварель» изосымыктыш студийыш коштеш. Тыгак «Водолей» литушемыш ушнен, почеламут-влакым возкалаш тӱҥалын. 2017 ийыште тудын «Словно лань» мыскара почеламутшо-влак да «Красота и вкуснятина» акростих книгаже-влак лектыныт. Усталык касыш тудын ятыр йолташыже, землякше да марий-влак погыненыт. А.Круковскаян «Что в имени тебе моем?» книгажын презентацийже, сӱрет выставкыже лийыныт. Оласе «Марий эл» национально-культурный ушемын еҥже-влак марий кочкыш-влакым конденыт. Пошкудо Талнах оласе ансамбль выступатлен да марий куштымашым ончыктен. «Пеледыш» трио (Лена Шабдарова, Венера Пугачева да Полина Ябердина коштыт) «Йӱржӧ йӱреш» да «Ош вис-вис» муро-влакым мурен.
21 апрельыште тыште «Край наш общий дом» калык-влакын тӱвырашт шотышто фестиваль лиеш. Тушто Норильскыште илыше чыла национальность-влак выступатлат. Марий-влак кызыт тудлан ямдылалтыт. Ӱдыр-шамычлан икгай марий тувыр-влакым Йошкар-Ола гыч заказатлаш шонат.
Ирина Степанова.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: