"Рубрик деч посна", 2018 ий, Вӱдшор тылзын 13-шо кечыже

Депутат-влак ончылно пашам иктешлыме

Статьян авторжо Светлана Кушакова

11 апрельыште премьер-министр Д.Медведев Кугыжаныш Думын депутатше-влаклан правительствын пашаж нерген отчетым ыштен. Тений отчет пытартыш куд ий жапым авалтен.

Ончыч партий-влак деч пурышо йодышлан вашештен. Майысе указ-влак шукталтдыме, Азийысе эл-влак дене кыл, макроэкономике, квалификациян кадр ситыдыме шотышто депутат-влак йодыштыныт. Политикылан кӧра мемнан спортсмен-влак деке отношений вашталтын. Тидым тӧрлаташ кӱлеш, ойлен премьер-министр. Кызыт элыште 50 миллион еҥ спорт дене заниматла. Тидлан 300 тӱжем сооруженийым чоҥымо.

Правительствын у составше ончылно кугу задаче шога. Российыште еҥ-влак сайын илышт манын тыршыман.

Дальний Востокым молгунамсе деч чот вияҥдаш тӱҥалме. Регионлан нвестиций ныл пачаш кушкын. Крым Республикын экономикыжым вияҥдаш 415 млрд теҥге колталтын. Крым экономике блокадыште лийын. Чумыр отром капитально олмыкташ кӱлын. Аэропортым ачалыме, газотранспортный системым ыштыме, шушаш жапыште Керчь кӱвар ыштен шукталтеш.

Элнан йӱдвел ужашыжым арален кодаш веле огыл, но вияҥдаш кӱлеш. Регион-влаклан окса полыш 2,5 процентлан ешаралтын.

Тений 136 млрд утла теҥге бюджетник-влакын пашадарыштым кугемдаш колталтын. Регион-влакын парымыштат 1,6 процентлан иземын.

Шуко функциян рӱдерым ыштымылан кора калык да кугыжаныш коклаште кыл саемын. Кызыт эл мучко 3 тӱжем тыгай рӱдер пашам ышта.

Элыште ялозанлык вияҥеш. Ӱмаште пытартыш 15 ий жапыште икымше гана ӱдымо мланде 80 млн гектарым эртен. Ӱмаште ялозанлык продукций ден продовольствийын экспортшо 20 млрд долларыш шуын.

Россий газым вес элыш ужалыме шотышто эн ончылно. Оборонылан эн кугу вер ойыралтеш. Стратегический вооруженийым уэмдыме, 800 воинский часть ден подразделенийым саемдыме.

Куд ий жапыште федеральный кучем 6 тӱжем стартапым илышыш шыҥдараш полшен. «Сколково» стартап 150 млрд теҥге доходым конден. Тидлан кӧра научный кадрым йомдарымым чарныме.

Ӱмаште пашадымылык 5,2 процент лийын гын, тений февральлан 5%, а 2009 ийыште 8% лийын.

Федеральный значениян 26 тӱжем километр корным олмыктымо.

Тений 1 мартлан 10,5 млн квадратный метр аварийный илыме верла гыч 678 тӱжем еҥ у пачерыш илаш куснен. У илыме вер-влак чоҥалтыт. Субсидирований программылан кӧра ипотекын процент ставкыжым 10% деч ӱлыкӧ волтен кертме. Ипотекым 2 трлн теҥгелан 1 млн утла еҥ налын.

2020 ийлан элысе вуз-влак тӱнямбалне 100 эн сай университет радамыш логалшаш улыт. Йочасадыш вер ситыдымаш кугу проблеме лийын. 2012 ий гыч 5700 утла йочасадым почмо, 1,5 млн утла ешартыш верым ыштыме.

Вес тургыжландарыше теме нужналыкым пытараш. 2013 ий гыч пашадарын эн изи кугытшо кок пачаш кушкын да тений 11 май гыч 11 тӱжем 163 теҥге лиеш. Пашадар майысе указыште палемдыме марте кугемшаш. Демографий суретым ончалаш гын, 6 ийыште 11 миллион йоча шочын. Кокла шот дене ӱмыр кужыт 73 ий марте кугемын. Тӱрлӧ чер деч колымым 6,8 процентлан шагалемын. Медицине ончыко тошкалме. Кӱкшӧ технологиян операций-влакым Москошто да вес эллаште веле огыл, регионлаштат ышташ тӱҥалме.

Тений лийше сайлымаш Россий вияҥме шотышто чын корнышто шога манын пеҥгыдемден, ойлен Д.Медведев.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: