"Кугарнян кастене" рубрик, 2018 ий, Вӱдшор тылзын 20-шо кечыже

Илышыште тӱҥ – еш…

Статьян авторжо Анастасия Эманова

20 апрель –Илышын смыслжым кычалме кече. Илышын смыслже кушто? Мо тиде тыгай? Очыни, кажне еҥын ты йодышлан шке вашмутшо уло. Иктылан, илышын смыслже – еш, весылан – паша да молат. А те, йолташ-влак, кузе шонеда? Муында мо те тудым?

сычукМаргарита Сычук, Новосибирск:

- Юмылан тау, илышын смыслжым эше муын омыл. Мыйын шонымаште, тудым шуко ий илымеке веле пален налаш лиеш.

апталиковВиктор Апталиков, Йошкар-Ола:

- Ӱмыр мучко сай айдеме кодын моштыман. Тидак, мыйын шонымаште, илышын смыслже. Сайым, порым ыштен илыза.

Надежда Арсланова, Морко район:арсланова

- Илышын смыслжым ом кычал. Тидын нерген кызыт омат шоно. Чылажат шке жапыштыже лиеш. Илышын смыслже нерген умылымаш жап эртыме семын садыгак толеш.

шакироваАлевтина Шакирова, Йошкар-Ола:

- Илышын смыслже илыш дене кылдалтын, тудым умылымаште, шымлымаште, тӱрлӧ шижмашым, уым пален налмаште, личность семын кушмаште. Тудым кычалман огыл. Илышын кажне татшым шижын, тудлан куанен илыман.

Евгений Быков, Кужэҥер район:быков

- Пеш философский йодыш. Тудлан иканаште вашештенат ом керт. Мыйын шонымаште, илышын смыслже икте веле огыл, тудо адакшым тӱрлӧ амаллан кӧра вашталтынат кертеш. Мылам илышын смыслже (ты мут олмеш приоритет шомакым кучылтам ыле) – илышыште пеҥгыдын шогаш, спорт аланыште кӱкшӧ квалификациян специалист лияш да, конешне, ешаҥаш.

 

нигораНигора Чориева, Узбекистан:

- Илышын смыслже – ачам ден авам. Нуно мылам тӱҥ эҥертыш улыт. Эре таза лийышт.

 

Иван Александров, Морко район:александров

- Неле йодыш. Кажне еҥ илышыште шкенжыным кычалеш. Николай Островскийын «Как закалялась сталь» романжын геройжо Корчагинын илыш умылымашыже чонемлан лишыл. Кеч-могай нелылык ончылно вуйым сакыман огыл, поро пашам ыштыман.  Тӱням сайракым ыштен кодыман. Но чыла ыштыме паша, шкан куаным кондышаш.

смирноваАнна Смирнова, Одо кундем:

- Илышын смыслже – еш, тукымым шуйымо да ты тӱняште шке верым мумаш, профессионал. Личность семын кушмаш.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: