"Рубрик деч посна", 2018 ий, Вӱдшор тылзын 12-шо кечыже

Российысе военно-исторический ушемын у пӧлкаже

Статьян авторжо редактор

Йошкар-Олаште Российысе военно-исторический обществын Марий Элыште региональный отделенийжым ыштыме шотышто погынымаш эртен.
Ты обществе Российын президентше В.Путинын Указше дене 2012 ий мучаште ышталтын, элнан чыла гаяк кундемлаштыже региональный пӧлка пашам ышта. Ушем самырык тукымым патриотизм шӱлышеш кушташ, элнан военно-исторический эртыме корныжым чын аклаш да туныкташ, историй теме дене шымлыме пашам вияҥдаш, военный службылан самырык-влакым кумылаҥдаш да моло шотыштат кугыжанышлан полшышаш.
Марий Эл деч военно-исторический обществын регионысо пӧлкажым вуйлатышылан МарНИИЯЛИ-н директоржо Е.Кузьминым темлыме. Тудын кандидатурыжым Москваште, кӱшыл органыште пеҥгыдемдышаш улыт. Кумылан-влакым ушемыш ӱжыт, членстве шотышто МарНИИЯЛИ-шке йодын мийыман.
Э.Иманаев.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: