"Улам мый Рве-зы-лык!" рубрик, 2018 ий, Ага тылзын 28-ше кечыже

Велосипед йолташ дене таза лияш

Статьян авторжо Ирина Ямбаршева

18 майыште да 21 сентябрьыште Российыште «Пашашке — велосипед дене» акций эртаралтеш. Кундемыштына велосипед дене кудалыштше-влакым уремыште эреак ужаш лиеш. Иктышт пашашке каят гын, весышт таза илыш-йӱлам кучат. Теве ик кастене паша гыч толшо ик марий рвезе дене палыме лийна. Тудын лӱмжӧ – Эдуард Оразаев. Ынде тудын дене лишкырак палымым ыштена.

1 1Эдуард — Морко район Шлань ял рвезе. Йоча пагытше шочмо кундемыште эртен. Тӱҥалтыш класслаште тысе школышто тунемын гын, кугурак класслаште — Унчо кыдалаш школышто. Рвезе марий йылме да литературлан моткоч шӱман. Районысо олимпиадыште ик гана веле огыл шке уш-акылжым терген. Тылеч посна Эдуард спортышто шкенжым изи годсек шуара. Поснак куштылго атлетикым йӧрата. Школын чапшым тӱрлӧ соревнованийыште спортын ты видыштыже арален. Школ деч вара МарГУ-со физико-математический факультетыште тунемын. Студент жапым Э.Оразаев тыгерак шарналта:

- Кажне студентын ты пагытше поснак ойыртемалтын эрта, очыни. Мый тӱшкагудышто иленам. Тудын да вузын илышыштышт чолга лияш тыршенам. Тӱрлӧ конкурсыш, таҥасымашыш эреак кумылын ушненам. Ты жапыштак вузысо «Марий мурсем» ансамбльыште куштенам. Кызытат жап лийме семын «Чодыра сем» ансамбльыш коштам. Вузым тунем пытарымеке, ПГТУ-со радиотехнический факультетыш магистратурыш тунемаш пуренам, кызыт кокымшо курсыш вонченам. Тунемме деч посна «Контакт» заводышто кокымшо ий тыршем. Тушто мый ЧПУ лазер станок дене пашам ыштем.

Ынде ик ий утла кажне кечын Эдуард пашашке велосипед дене кудалыштеш. Тудын илыме пӧртшӧ Красноармейский уремыште верланен. Тушечын «Контакт» завод марте 4 меҥге чоло лиеш. Кудалме скоростьшо ик шагатыште – 15 меҥге.

Велосипед дене кудалыштме годым тазалыклан, чынжымак, моткоч пайдале. Э.Оразаев тыгак шона. Сандене таза илыш-йӱлам куча, арулыкым эскера. Яра жапым рвезе тыгак арам ок эртаре. Книгам лудеш, йолташ-влак дене прогулкыш коштеш, кином онча. А «Пашашке велосипед дене» акцийыш ушнаш шонет але уке манын йодмемлан, тыгерак мане:

- Мый ынде идалык утла шканем шке акцийым эртарем. Садлан ты акцийын участникше автоматически улам, очыни.

Елена Годунова.

И.Речкинын фотожо.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: