"Рубрик деч посна", 2018 ий, Ага тылзын 11-ше кечыже

яра жапым — кидпашалан

Статьян авторжо Елена Годунова

wAef9q9tfk8Кидпашалан жапым муаш тыршыше ӱдыр-влакланчылт öрам. Вет ты сомылым шукташ шагал огыл жап кӱлеш. Да тылеч посна моло пашамат ыштыман. Шукын кидпаша дене йӱдым шинчылтына маныт. Омым чаманыде, чон йодмо пашам ыштыше еҥ-влак шкешотан, тале улыт. Тыгай кокла гыч иктыже — Елена Васильева. Тудо кок изи ӱдыран ава, сай пелаш, кидпашам, арулыкым йöратыше ен».

Лена Звенигово район Эсмекпляк ялыште шочын-кушкын. Тысе школым ший медаль дене тунем пытарен. Школышто ик эн чолга тунемше лийын. Кызыт тусо жапым кӱжгö папкыш чумырымо тӱрлö грамот да тауштымо кагаз-влак шарныктат. Школ деч вара МарГУ-што журналист специальностьым налын. Тыгак Йошкар-Оласе строительный техникумышто экономистлан тунем лектын. Кок тунемме тöнежшымат йошкар диплом дене пытарен. Университет деч вара «Волжские вести» газет редакцийыште пашам ыштен. Кызыт — декрет отпускышто. Лена эше школышто тунеммыж годымак марий йылме дене лекше газет-влак дене кылым кучен. Тӱрлö заметкым возкален. «Ямде лий» газет дене кылым кучымыжлан Зинаида Яковлева лӱмеш премийын лауреатше лӱмым сулен. 9-ше, 11-ше класслаште тунеммыж годым марий йылме дене республикысе олимпиадылаште икымше вер дене палемдалтын.

Ӱдыр изинек кидпашалан шӱман кушкын. Тидлан тудым икымше туныктышыжо Валентина Николаевна Созонова кумылаҥден. В.Николаевна труд урокышто ӱдыр-влакым име, крючок дене пидаш туныктен. Садлан Лена тӱҥалтыш класслаште тунеммыж годымак шканже пижым, носким, шарфым пидын моштен. Кушмо семын Ленан аважат Людмила Анатольевна, ӱдыржым пидаш, тӱрлаш туныктен. Тудо моткоч уста кидмастар.

- Авамын тӱрлымö салфеткыже, ӱстембалшовычшо, кӱпчыквалже эреак пöртым сöрастареныт. Кызыт модо вашталт толмо дене вес сынан арвер-влак пöртым сылнештарат, - манеш Е.Васильева. — Мыланем да акамлан авам тӱрлö вургемым пидеш ыле. Тудын пидме тувыржым, сарафанжым, костюмжым куанен чиенна. Вет мемнан изина годым йоча-влаклан вургемым пеш наледен огытыл, сандене ме налме гаяк пидме у вургемым чиенна. Тидын шотышто шкеннам эн пиаланлан шотленна. Кызытат авам шуко пидеш. Тӱҥ шотышто — меж шӱртö гыч носким, пижым. Ынде мемнам веле огыл, уныкаже-влакымат пидын чикта.

Елена тӱрлö име дене пидын мошта гынат, чонлан крючок лишылрак манеш. Кидпашалан жапым кок шочшан ава кунам муэш да кызыт мом ыштымыж нерген тыгерак каласкалыш:

- Кидпаша деч посна иленжат ом керт, очыни. Пидаш, ургаш, кӱэшташ моткоч йöратем. Яра жап лийме годым мом-гынат эреак ыштыме шуэш. Тидлан кок изи ӱдыремымат кумылаҥдаш тыршем (Катя — 4 ияш, Настя — 2 ияш). Нунын дене пырля тӱрлö подделкым ыштылына. Катя йочасадыш коштеш. Садлан тушко тӱрлым ышташ йодыт. Тудо вашкӱзö дене пӱчкедаш, клейтлаш моткоч йöрата. Настя, акажым ончен, тыгак тӱрлым ыштынеже. Но тудлан але вашкӱзым кидыш огына пу, шкенжым йоҥылыш шуралтен колтен кертеш, клейым умшаш чыка. Туге гынат воктенна яра огына шинчыкте, мом кертеш, тудым ыштыктена.

Машина дене ургаш кугурак класслаште тунемынам. Технологийым школышто Галина Васильевна Субботина туныктен. Тудо мемнам юбкым, халатым, изи азалан вургемым пӱчкедаш, ургаш ончыктен. Шарнем, мый шканем драп гыч пальтом ургенам ыле. Тунам авамын мöҥгыштö налын пыштыме драп сукнаже лийын. Мыланем ты сомыл моткоч куштылгын пуалтын, садлан моло ӱдыр-влак дене таҥастарымаште уто нелылыкым шижын омыл.

Шукерте огыл ургымо да пӱчкедыме курсышто ныл тылзе тунемым. Моткоч келшен. Ургымо шотышто шканем шуко уым пален налынам. Пелашем чапле ургымо машинам пöлеклен. Ынде оверлокым пöлеклымыжым вучем. Ӱдырем-влаклан юбкым, тувырым, сарафаным ургем. Тидлан шкемын изи годсо вургемем-влакым кучылтам але кевытлаште куэмым налын ургедем. Тыгак окнаш сакаш занавескым, тюльым мыняр кужыт кӱлеш, тунарым налам да шкеак ургем.

Ышташ кумылем моткоч уло, жап чӱдö. Садлан кечывалым йоча малыме годым але йӱдым шинчылташ логалеш. Йöра эше декрет отпускышто улам, пашаш лекмек, кузе шукташ тӱҥалам ала…

Шке гыч вургемым ургымо годым дизайным келыштарыме шотышто интернетыште «Ютублан» эҥертем, тыгак «Вконтакте» соцсетьыште тӱрлö кидпаша-влакым ыштыме группылаште шинчем. Крючок дене тапочкым, поделке-влакым пидедем. Студент годым крючок дене пидынам гын, кызыт утларакше ургем. 

Изиж годым Лена аважын пидме вургемым куанен чиен гын, ынде шкенжын у»дыржо»-влак тудын ургымо вургемжым кумылын чият. а кидмастарын кидше — шо»ртньо» дене иктак. Тидын шотышто Ленан пелашыже пиалан айдеме. Васильевмыт еш Приволжский посёлкышто илат, телым — Москошто.

_jnKccN00FA IyU9L4g4_-U nVJfEcnC2-Y ObZlo_tyaEg PQGw1U_Owq8 v9ZezD5MkSk zt2pQzIVIlo

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: