"Улам мый Рве-зы-лык!" рубрик, 2018 ий, Пеледыш тылзын 22-шо кечыже

Одо кундемын чолга шӱдыржӧ

Статьян авторжо Анастасия Эманова

Настя  Минеева Одо кундем Грак районысо Куго Йырсе ялыште шочын-кушкын. 11 классым тунем пытарымеке, Алабуга кугыжаныш педагогике университетыш тунемаш пурен. Университетыште сайын тунемын, бакалавр лийын лектын. Но чонжо садак ала-кушко ончыко, уым кычалаш ӱжын, садлан Набережный – Челна олаште магистр пашам арален.

минееваИлыш корныжо школыш, йоча-влак деке наҥгаен. Кызыт школышто историй туныкта. Настя шке чолгалыкшым школыштат ончыктен, студент пагытыштат  ик верыште шинчен огыл, пашаштыжыт ӧордыжеш ок код.

«Идалык  ончыч Челна оласе «Памаш» калык келшымаш пӧртыштӧ марий ансамбль улмо нерген пален налын. Тиде ансамбль йырже изимат, кугу еҥымат чумыра. Тушто ик еш семын илат», — палемдыш Настя. Тусо паша ышталтмым  ужын, ӱдырын чонжо марий калык деке лишкырак лияш ӱжын. «Чонем чытен кертын огыл, «Марий Сем»  фольклор  ансамбльыш кошташ тӱҥалынам ушненам» — ойла Анастасия. Калык муро, куштымаш чонжылан келша, яра жапшым лач тидлан ойыра. Тыршымыже арам лийын огыл, икмыняр жап гыч Настям «ЭрВИЙ» марий тӱвыра клуб вуйлатышылан шогалтеныт. Тушто йоча-влаклан историйым, марий йылмым туныкта, тыгак фольклорлан шӱманда.

Шукерте огыл Настя Татарстан кундемыште Семык пайремыште «Чевер марий удыр — 2018» конкурсышто икымше верыш лектын. Туштат Анастасиян чолгалык койышыжо палдырнен. Кажне заданийым ӱдыр ойыртемлтшын шуктен, мутлан шкеж дене   йомак  семын палдарен.

«Конкурслан ешем ден ансамбль  кугун полшеныт. Авам дене марий калык кочкышым ямдыленна, шольым конкурслан фотом ыштен, а куштымо номерым  ямдылан мый йолташ-влаклан эҥертенам» — ойлыш Анастасия.  Тидыже икымше сеҥымашыже лийын. Кокымшо сеҥымаш — Йошкар-Олаште Пеледыш пайремысе  «Марий ӱдыр»  конкурс.

Ончыкылык шонымашыже Настян моткоч шуко, поснак сентябрь тылзе гыч. Лач каласаш кызыт ок тошт. «Пашам ыштемат, вара каласем», — шыргыжалын каласыш.

Шке чолгалыкшым, мастарлыкшым  нӧлташ манын. Настя Х марий самырыктукым слетыш толаш шона. Сандене тушто у йолташым муаш, эреак марий шӱлышан кодаш тыланена.

Статьян авторжо Вероника Мустаева.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: