"Кузе илет, ялем?" рубрик, 2018 ий, Пеледыш тылзын 1-ше кечыже

Ола воктенак — шке пӧрт, пакча, монча

Статьян авторжо Ирина Ямбаршева

Йошкар-Ола гыч Медведево районысо Новый посёлкыш кудалме годым пурла велне шуко чапле пӧртан у илем кодеш. 2011 ийыште тыште чара пасу лийын. Кызыт гын тыште, вич уремыште, икте деч весым таҥастараш лийдыме чапле, кок пачашан пӧрт-влакым чоҥат. Шым ий жапыште пасу олмышто у посёлко – Шоядӱр — шочын. Тудо Шоядӱр ял лишнак верланен, садлан тудлан вес тӱрлӧ лӱмым пуаш шонымаш лийынжат огыл. Йошкар-Ола гыч Шоядӱр посёлкыш 5 меҥге наре лиеш.

IMG_0263IMG_02742011 ийыште Нигматуллинмыт еш ты верыште мландым налын, пӧртым нӧлташ тӱҥалын. Тунам тыште ны газым, ны вӱд пучым, ны электротулым шупшмо огыл ыле. У илемыште улшо проблеме-влакым решатлаш манын, Пекшиксола ял шотан илем администрацийын полшымыж дене ты мландыште пӧртым чоҥышо-влак погынымашым эртареныт. Тыге Родион Решатович Нигматуллиным Шоядӱр кооперативын председательжылан сайленыт. У посёлкын шочмыжо да кызытсе илышыж нерген Родион Решатович тыгерак каласкалыш:

- Мландым тыште налмына годым, чынжымак, чара пасу ыле. Но икмынярынже пӧртым эркын нӧлтеныт. Садлан электротул, вӱд эн ончычак кӱлыныт. Председатель улат гын, ответственность моткоч шижалтеш. Садлан газ, вӱд пуч, электротул посёлкышто лийышт манын, эн ончыч проектым ямдылаш пижынна. Тидлан тысе калык деч оксам погенна да документым ыштенна. 2013 ийыште вӱдпучым, вара башньым ыштыме, 2014 ийыште газпучым шупшмо. 2015 ийыште посёлкысо чыла уремым волгалтараш электротулым чӱктымӧ, йоча-влаклан площадкым ыштыме, шӱкшаклан посна площадкым келыштарыме. Ты ийынак Ростелеком компаний посёлкыш оптоволокном шупшын. Кызыт ме кабелян интернет, телевидений дене пайдаланена. Шканна башньым ыштыме дене вӱдым кучылтмылан оксам огына тӱлӧ. Кооперативын кассыштыже окса лийже манын, идалыклан 5-8 тӱжем теҥге дене ик еш деч погена. Погымо оксам пайремым эртараш, газ, вӱд пучлам, башньым ачалаш, шӱкшакым эрыкташ кучылтына.

Кӱчык жапыште, улыжат ныл ийыште (2011-2015), посёлкышто еҥ-влаклан илашышт чыла шотыштат йӧн ышталтын. Тыгай кугу пашам ик шонымашан, чолга еҥ-влак веле шуктен кертыт, очыни. Садлан Шоядӱр посёлкышто илыше еҥ-влак сай илыш верч тыршыше улыт манын, шке семынем шоналтышым. Посёлко чапле, мотор гынат, тысе корно тыгай «сай» илемлан келшыше огыл. Урем-влакым ойырышо корнылаште, вӱд башне деке тыгыде кӱм оптен, корнылам ачалыме гын, уремлаште корно шот йӧршеш уке.

Елена Годунова.

Умбакыже 1 июньысо газетыште лудса.

IMG_0262IMG_0271 IMG_0272

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: