"Айдеме да закон" рубрик, 2018 ий, Пеледыш тылзын 22-шо кечыже

Шоя фирмым ышташ ит полшо

Статьян авторжо Ирина Ямбаршева

- Шукталтдыме (фиктивный) экономический пашам шуктымаш обществылан, кугыжанышлан, посна производство-влаклан эҥгекым конда. Тидын ваштареш кучедалаш манын, 2011 ий мучаште Россий Федерацийын Уголовный кодексшын посна ужашышкыже 173.1 ден 173.2 статья-влакым пуртымо. Тыгай мере ик кечаш фирме-влак ваштареш кучедалмаште кӱлешан.

Ик кечаш фирме манмаште юридический лицам умылыман, но тудо предприниматель пашам шукташ ышталтын огыл. Тыгай фирме-влак оксам закондымын ыштен налаш, кусараш, шолышташ, налогым тӱлымӧ деч шылаш, преступный йӧн дене налме оксам але иктаж погым чыныш лукташ (легализоватлаш) ышталтыт.

Шотыш налза: подставной манме (шоя) еҥ-влак гоч юридический лицам ыштымылан веле огыл, тыгак Юридический лица-влак единый кугыжаныш реестрыш (ЕГРЮЛ) шоя еҥ нерген сведенийым пурташ шке паспортым але доверенностьым пуымыланат уголовно мутым кучаш шогалтат.

Садлан кажне гражданин кумшо лицалан (чӱчкыдын оксалан кӧра) налог органыште юридический лицам регистрироватлаш шке паспортшым пуа, но тыгодым умбакыже тудым вуйлаташ огеш шоно гын, закон ваштареш кайымыжым умылышаш.

Организацийым вуйлаташ шоныдымо еҥат (мутлан, номинальный директор, кудыжо организацийым фактически огеш вуйлате) подставной манме (шоя) еҥлан шотлалтеш.

Тылеч посна ик кечаш фирмым регистрироватлаш школышто тунемше (студент), колышо, йомдарыше, нужнан илыше але регистраций деч посна илыше еҥ-влакын паспортыштым кучылтшо еҥ-влак РФ Уголовный кодексын 173.2 статьяж почеш мутым кучаш тӱҥалыт.

Тыгай преступленийым ыштымылан тыгай наказаний палемдалтын: 100 тӱжем гыч 300 тӱжем теҥге марте але шым тылзе гыч идалык марте жапыште ыштен налме пашадарын да моло доходын кугытышт наре штраф; 180 гыч 240 шагат марте обязательный пашам ыштымаш; кок ий марте исправительный паша.

РФ Уголовный кодексын 173.1, 173.2 статьялаштыже палемдыме преступлений ваштареш кучедалме йодышлам республикысе прокуратур чот эскера.

Республикыште тыгай осал пашам шуктымо шотышто пример-влак улыт.

Мутлан, 2017 ий 3 ноябрьыште Волжск оласе судын приговоржо почеш ты олаште илыше Т.-лан РФ Уголовный кодексын 173.2 статьяж почеш ик ийлан исправительный пашам ыштыкташ пунчалме, тыгодым пашадар гыч 10 процентше кугыжанышын доходышкыжо кучалт кодеш, 314.1 статья почеш — куд тылзылан эрык деч посна кодаш. Пытартышлан РФ Уголовный кодексын 69-ше статьяжын 5-ше ужашыже, 70-ше статьяже почеш пеҥгыде режиман исправительный колонийыш ик ият кок тылзылан колташ пунчалын.

Суд пеҥгыдемден: 2015 ий ноябрьыште Т., 5 тӱжем теҥге оксам ыштен налаш манын, палыдыме еҥлан шке лӱмешыже ООО-м регистрироватлаш да подставной (шоя) еҥ лица нерген сведенийым ЕГРЮЛ-ыш пурташ шке паспортшым пуэн.

Судын приговоржо законло вийым налын.

Марий Эл Республикысе прокурорын полышкалышыжке О.Лаптева умылтарен.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: