"Илыш йогын" рубрик, 2018 ий, Сӱрем тылзын 13-шо кечыже

Кӱдырчан да волгенчан йӱр деч шекланыза!

Статьян авторжо Ирина Степанова

гроза4Возенна ыле: волгенчылан кӧра У Торъял районысо Элембайыште пожар лийын.
Волгенче деч аралтышым шындыман, тудо тендан суртда деч туткарым кораҥда. Молниеотводым специализироватлыме организаций-влаклан шындыктыман, нуно тидым кӱлеш семын ыштен пуат. Но волгенче годым шкем кузе кучаш кӱлмым кажне еҥ палышаш
1. Пӧртыштӧ улыда гын, окнам, омсам, коҥгасе дымоходым петырыман.
2. Конгаш олтыман огыл, молан манаш гын пуч гыч лекше шикшын электропроводностьшо кугу, трубаш волгенче логал кертеш.
3. Электроприбор-влакым йӧртыман. Тыглай да сото телефон дене кутырыман огыл.
4. Уремыште улыда гын, молниеотводан пӧртыш шылаш тыршыза. Шкет шогышо леваш, пушеҥге йымак ида курж. Металл але сетке гыч ыштыме пече, молниеотводын мландыш пурымо верже воктеч кораҥза.
5. Чодыраште улыда гын, изирак пушеҥге йымак шылза.
6. Кӱдырчан да волгенчан годым вӱд воктеч кораҥман: колым кучыман да йӱштылман огыл.
7. Машина дене кудалыда гын, окнам петырыза да антенным волтыза. Чарнен шогалын, йӱр эртымым вучыза. Кӱдырчан годым машина дене кудалаш лӱдыкшӧ.
Татьяна Самигуллина, УГПС-ын вӱдышӧ специалистше.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: