"Рубрик деч посна", 2018 ий, Сорла тылзын 3-шо кечыже

Августышто могай вашталтыш пурталтеш?

Статьян авторжо Анастасия Эманова

Тиде тылзын ятыр вашталтыш лиеш, у закон, пунчал-влак илышыш шыҥдаралтыт. Чыла тидын дене палдарена.

госпошлинеГоспошлине кугемеш

3 август гыч биометрический загранпаспортым ыштымылан госпошлине кугыт 3,5 тӱжем теҥге огыл, а 5 тӱжем теҥге лиеш. Тыгак 14 ияш деч изирак йоча-влакланат тыгай документым ыштымылан ача-ава-шамыч молгунамсе семын 1,5 тӱжем теҥгем огыл, а 2,5 тӱжем теҥгем тӱлышаш улыт.

Транспортный средствым регистрироватлыме нерген свидетельствыланат (тудо ынде пластик карте) у сынан пошлине лиеш. Ончыч тыгай документым налаш 500 теҥгем тӱлыман ыле гын, ынде 1,5 тӱжем теҥгем луктын пыштыман. Водитель удостоверенийым налаш 3 тӱжем теҥгем пуыман. Тошто сынан водитель правам пластиклан вашталтымылан ак – 2 тӱжем теҥге.

Налог службо палдара

Российысе Федеральный налог службын сайтыштыже 1 август гыч изи да кокла бизнес дене кылдалтше налогоплательщик-влак нерген сведенийым луктыт.

Тушто пален налаш лиеш: организацийыште мыняр пашаеҥ ышта, лӱмын келыштаралтше налог режим да компанийын налогоплательщик-влакын консолидированный группышто участвоватлымыж нерген.

Стратегический предприятий ден оборонно-промышленный комплексысе организаций-влак, тыгак кугу организаций-налогоплательщик нерген информацийла сайтыште огеш ончыкталт.

Оксам тӱлыде

Августын икымше кечыж гыч Москошто да Подмосковьыште илыше чыла пенсионер, тыгак СССР-ын, Российын да Моско олан почётан доноржо-влак, йоча-инвалид-влакын закон почеш представительышт электричке дене оксам тӱлыде кошташ йӧнышт уло. Чылаже 2,8 миллион еҥ ты льгото дене пайдалана.

Верысе жап ончыкталтеш

1 август гыч тӱҥалын поезд дене кайыме да толмо жап билетыште верысе жап ончыкталтеш. Тыгодым верысе жап москосо деч мыняр шагатлан ойыртемалтмат билетыште ончыкталтшаш. Ты информацийым вокзалласе, платформыласе да поездласе информационный таблошто ужаш лиеш.

Электрон визе дене пуртат

19 август гыч Российыш Дальневосточный регионысо чыла аэропорт гоч электрон визе дене пураш лиеш. Электрон визым пуымо программе 2017 ий 1 август годсек пашам ышта.

Кызыт тыгай визе дене вес элла гыч толшо еҥ-влак Приморский крайыш, Камчаткыш да Сахалиныш толын кертыт.

Шергештеш

20 август гыч ош аракалан, коньяклан да моло виян напиткылан ак кӱза. Мутлан, 37-38 градус пеҥгыдылыкан 0,5 литр ош арака кокла шот дене 205 теҥге лиеш.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: