"Сылнылык тӱня" рубрик, 2018 ий, Сорла тылзын 24-ше кечыже

Пашаж дене шӱмаҥда

Статьян авторжо Анастасия Эманова

21 августышто Волжский район Памар селасе рӱдӧ библиотекыште дизайнер-модельер Евгения Кошкинан «Формула успеха в стиле этно» икымше персональный выставкыже лийын.

aKBq9WSKdJkЖеням республикыштына шукын палат. Тудын ямдылыме стилизованный вургемжым, сумкажым вес кундемыште илыше марий-влакат налыт. Кызытсе самырык ӱдырамашлан келшыше тудын ургымо этностилян тувыржым Йошкар-Оласе «Благовещенский башне» культур да выставке рӱдерыште ужаш лиеш. Е.Кошкина марий еҥлан келшыше сӧрастарыме ӱзгар-влакым ыштылеш. Тудо Российысе, тӱнямбалсе конкурс-влакын участницыже. Таклан огыл Марий Эл гыч лачак Женя нерген материалым «Лица России. XXI век» книга-альбомыш пуртымо. Ты книгам «Федеральный еврейский национально-культурный автономий» организацийын специалистше-влак ямдыленыт. Тудым тений шыжым савыктен луктыт.

js0cU9IK1t0Выставкыште марий дизайнер-модельерын кидпашаже-влак ончыкталтыныт. Тыгак посна лукым Женян сеҥымашыжлан ойырымо ыле. Тушто ятыр диплом ден грамотым ужаш лийын.

«Выставке ик кече веле лийын.  Сентябрь мучаште Санкт-Петербургышто персональный выставкем  почылтеш. Озаҥыште тыгаяк выставкым эртарыме шотышто  кызыт ик организаций дене мутланем. Октябрь мучаште але ноябрь тӱҥалтыште звенигово оласе тоштерыште выставке-вашлиймаш лиеш. Шонымаш, паша шуко, вий веле ситыже», — ойла кидмастар.

 

 

 

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Сайтыш пураш: