"Улам мый Рве-зы-лык!" рубрик, 2018 ий, Сорла тылзын 10-шо кечыже

Самырык-влак кушто паша ыштат?

Статьян авторжо Вероника Мустаева

Илыш ончыко кайыме дене профессият вашталт толеш. Ончыч туныктышо, кевытче, ургызо, строитель, шофёр лийыныт гын, кызыт шотленат от пытаре. Кажне специальность шкешотан да оҥай.

Анастасия Кондратьева, Курыкмарий район:настя кондратьева

- Тений мый МарГУ-м тунем пытаренам. Марий ден англичан йылме-влакым туныктышо улам. 2016 ий годсек Ленинград областьысе Верхние Мандроги турист ялыште кеҥеж жапыште пашам ыштем. Кызыт сувенир кевытыште тыршем. Мемнан кевытыште Россий мучко погымо сувенир-влак улыт: руш кокошник, матрешко, балалайке, янтарь ден ший дене ыштыме ӱзгар-влак да тулеч молат.

Тиде паша вер нерген акам деч пален налынам. Тудо тыште пашам ыштен, мыйымат ӱжын. Экзаменым ончылгоч кучен, тушко кудалынам. Икымше гана пашам ыштыме деч вара адакат тушко каенам. Ынде кумшо ий тыште пашам ыштем. Тиде турист ялыште шуко эл гыч толшо еҥ-влакым ужынам: Австрий, Англий, Германий, Франций, Испаний, США гыч да молат. Нунын дене англичан йылме дене мутланенам, йылме практике кугу лийын. Тыгодымак умыленам: ик йот йылме дене гына серлагаш ок лий, садлан немыч ден француз йылмылам тунемам, изиш мутланен кертам.

Верхние Мандроги ялыште шуко кидмастар ила. Шке ыштыме пашаштым ужалат, йодмо семын мастер-классым ончыктат.

Людмила Козылбаева, Шернур район:Людмила Козылбаева

- «Конструктор-модельер швейных изделий» специальность дене тунем лектынам. Но умыленам: тиде мыйын паша огыл. Оксам шагал тӱлат, садлан вес пашам кычалаш логалын. Кызыт Йошкар-Оласе йолчием фабрикыште ыштем. Тиде пашалан производствышто веле туныктат. Фабрикыште лӱмын келыштарыме йолчиемым металлург, нефтяной ден газовый службо пашаеҥ-влаклан ямдылена. Ӱмаште 970 000 мужыр йолчиемым ыштыме, тений у оборудованийым налме дене лектыш кушшаш. Суткаште – 2000 мужыр наре йолчием.

Профессием «Отделочник изделий» маналтеш. Йолчием пундашыште ситыдымаш уло гын, тудым кораҥдем. Йолчием, ямде лиймеш, пеш кужу корным эрта. Тудын ик этапше мыйын.

Паша чонемлан келша.

Сергей Щербаков, Советский район:щербаков

- Вуз деч вара моло семынак салтак радамыш миен толынам. Армий деч вара кушто-гынат пашам ышташ кӱлын.

Мемнан Ӱшнӱр ял гыч Станислав Волков йӱдвел мландыш пашаш коштын, мыйымат пырля ӱжын, тореш лийын омыл. Станислав йӱдвел мландыште 2006 ий годсек тырша. Ончалаш мийышымат, паша келшыш. Ынде мыят нефтьым тулымаште пашам ыштем.

Тимано-Печорский нефтегазоносный провинций (ТПНП) – Россий Федерацийыште нефтьым лукмо эн кугу регион. Тудо пеш кумдан шарлен: Коми Республик ден Ненецкий автономный округын эрвелныже. Кугурак ужашыже Полярный круг вес могырышто верланен. Тиде мланде нефтьлан, газлан поян. Игече Марий Элысе деч ойыртемалтеш: кеҥежым кече огеш шич, но мардеж ден йӱр чӱчкыдын лийыт; телым – поран, тӱтан мардеж да чатлама йӱштӧ озаланат

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: