"Рубрик деч посна", 2018 ий, Идым тылзын 14-ше кечыже

Почеламутым сайын лудеш

Статьян авторжо Елена Годунова

Александра Васильева тений Морко посёлкысо 2-шо номеран школыш Саша Васильеваикымше классыш каен. Ӱдырын почеламутым писын тунеммыже изинек палдырнен. Сандене йочасадыш коштмыж годым воспитательже Инна Валерьевна Алексеева тудым конкурслашке ямдылаш тӱҥалын. Александра почеламутым лудмо конкурсышто вич ияш улмыж годым икымше гана участвоватлен. Тыге вигак призовой вер дене палемдалтын. Тылеч вара М.Казаковлан, С.Вишневскийлан, В.Колумблан пöлеклалтше конкурслаште шке мастарлыкшым эреак ончыктен. В.Колумб лӱмеш лудмо конкурсышто моштымашыжым кок гана терген. Тений 12 ияш марте йоча-влак коклаште икымше лийын. Тылеч посна ӱдыр Морко тӱвыра пöрт пеленысе куштмаш кружокыш коштеш. Творчествылан шӱман изи ӱдыр тунемаш тырша.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: