"Илыш йогын" рубрик, 2018 ий, Кылме тылзын 30-шо кечыже

«АВАМ ДЕНЕ ПЫРЛЯ»

Статьян авторжо Вероника Мустаева

DSC_2720

Тыгай конкурс Ава кече вашеш 24 ноябрьыштеМарий Эл Республикысе президент школышто лийын. Тудым тӱвыра, печать да калык-влакын пашашт шотышто министерстве, Марий тӱвыра рӱдер да «Саскавий»  ӱдырамаш ушем полшымо дене эртаралтын. Конкурсыш толшо-влак тӱрлӧ район гыч лийыныт. Кум еш: Наталья ден  Ксения БогдановамытИрина ден  Анастасия,  Альбина ден Артём Тойшевмыт Оршанке район Кугунур гыч, Светлана ден Анна Ерослановамыт У Торъял посёлко гыч, Роза ден Мария Васильевамыт Медведево район Кожласола  ял гыч, Алёна ден Полина ТолстовамытПровой вел Кожласола гыч, Инна ден Анна Алексеевамыт Морко посёлко гыч. Ава-влакат икшывышт дене пырл шке мастарлыкыштым тергеныт. Икшыве-влак тӱрлӧ ийготан лийыныт,  эн изижлан – Полина Толстовалан  кок ий веле.

Йоча ден ава-влакын выспупленийыштым марий Оньыжа Эдуард Александров, культурологий шанче доктор Галина Шкалина, «Саскавий» ӱдырамаш ушемым вуйлатышын алмаштышыже Маргарита Тойшева,Марий Элын сулло журналистше Людмила Григорьева  акленыт.

Конкурсышто икмыняр ужаш лийын. Икымше – «Мыйын авам». Тыште участник-влак авашт нерген каласкаленыт. Кокымшо конкурс: «Авам дене пырял ыштена». Икшыве-влак авашт дене пырля сӱретленыт, кочкаш ямдыленыт да туткарыш логалме годым мом ыштышаш нерген сценкым ончыктеныт. Пытартыш конкурс – мӧҥгысӧ паша. Мураш-кушташ чыланат тале улыт! Ончал колтет – изи киса гай гына койыт, а мастарлыкыштым ужат гын, ӧрат. Тыгак участник-влакын ямдылыме фотовыставкым онченна.

DSC_2736«Мыйын аваем» конкурсышто  Ирина ден Анастасия Кудрявцевамыт сеҥеныт.

Конкурсышто йоча ден ава-влак шкеныштым сайын ончыктеныт да  тыгай номинаций дене палемдалтыныт: «Икымше полыш» — Светлана ден Анна Ерослановамыт, «Этномода» — Альбина ден Артём Тойшевмыт, «Пырля сӱретлена» – Роза ден Мария Васильевамыт, «Авам  дене пырля» — Наталья ден Ксения Богдановамыт, «Пырля ыштена» — Инна ден Анна Алексеевамыт. Алёна ден Полина Толстовамытлан «Ямде лий» газет редакций пӧлекым кучыктен. DSC_2749

Сценыште йоча ден ава-влакым ончен шинчыме годым залыште улшо еҥ-влакын кумылжышт тодылалтын. Кажныже шке йоча пагытшым шарналтен. Южыжо аважлан торжан пелештымыжлан ӧкынен. Икманаш, изирак ийготанланат, кугуракланат тиде конкурс пайдале! Аралыза Авадам!

Вероника МУСТАЕВА.

Комментарий-влак:

Комментарийым ешараш:

Войти с помощью: