"Улам мый Рве-зы-лык!" рубрик, 2018 ий, Теле тылзын 21-ше кечыже

Волонтёрлан кӧра поро паша шукемеш

Статьян авторжо Вероника Мустаева




2018 ийым  Доброволец ден волонтёр-влакын идалыкышт манын увертарыме ыле. 17 декабрьыште Г.Константинов лӱмеш Руг драмтеатрыште Марий Эл Республикыште ты идалык кузе эртарымым иктешленыт.

Шкешотан пайремыш тӱрлӧ район гыч волонтёр пашам шуктышо еҥ-влак толыныт. Нуным Марий Эл Республик Правительстве председательын икымше алмаштышыже-влак Сергей Сметанин ден Михаил Васютин саламленыт.  Волонтёр пашам вияҥдымашке кугу надырым пыштыше волонтёр-влаклан Россий президентын медальжым да таумут кагазым кучыктеныт.ст01

Нунылан Самырык-влакын XIX тӱнямбал фестивальыштым эртараш полшымыштлан Ольга Беляевалан (ПГТУ), Любовь Бусыгиналан (ПГТУ), Станислав Игошинлан (молодёжный политике, спорт да туризм министрын алмаштышыже), Анастасия Акуловалан (ПГТУ, воспитательный управлений паша шотышто специалист), Елена Самойловалан  (молодёжный политике, туризм да спорт министерствысе управлений вуйлатышын алмаштышыже) таум каласеныт.

«Доброволец России – 2018»  конкурсышто регионысо этапыште сеҥыше-влакымат палемденыт. Конкурсыш Марий Эл Республик гыч 202 йодмаш пурен, 55  паша региональный этапысе финалышке лектын. «Вокруг меня» номинацийыште Маргарита Жирова (Йошкар-Ола) ден Марина Смоленкова (Звенигово район) ойыртемалтыныт; «Оберегая сердцем» –  Анастасия Казанкина (Йошкар-Ола), «Рожденные помогать» – Виктория Сорокина (Волжск ола), Анна Яранцева (Йошкар-Ола) да Анастасия Роженцова (Кужэҥер посёлко); «Помощь детям»  – Юлия Аксенова (Волжск) да Анастасия Ненарокская (Йошкар-Ола); «Организатор добровольчества» – Таслия Икрамовна Кожевникова (Советский поселко); «Волонтерский центр» –  Йошкар-Оласе эколого-биологический йоча р¢дер ден Козьмодемьянск оласе «Факел добра» волонтерский отряд; «Вдохновленные искусством» номинацийыште Анастасия Васильева (Волжск ола) ден  Светлана Марышева (Юрино район); «Смелые сердцем»  – Елена Иванова (Йошкар-Ола);  «Общее дело» У Торъял районысо калыклан социальный полышым пуышо р¢дер;  «Уверенные в будущем» – Анжела Филиппова (Звенигово район) ден Дмитрий Осипов (Юрино район); «Серебряные добровольцы» – МарГУ-со неле илыш ситуацийыш логалше еш да йоча-влаклан полышым пуышо социально-педагогический рӱдер сеҥыше радамыш логалыныт.

ст0845 тӱжем  доброволец-волонтёр  мемнан кундемыште  ила.  Нунын полшымышт дене 236 патриотический, социальный, экологический  акций-влак эртаралтыныт. Тыгак Марий Эл гыч 40 еҥ «Тӱнямбал волонтёр» лӱмым суленыт.

Студент. Волонтёр. Вуйлатыше.

Волгатех пелен студент-влакын инициативный волонтёрский организацийышт (Волонтерская инициативная организация студентов)  пашам ышта. Кызыт тудым  «Управление качества» факультетыште  «Инженер по качеству» специальность  дене  3-шо курсышто тунемше Анастасия Егорова вуйлата.

Тиде пашам ӱдыр идалык наре  ышта. Торгово-технологический колледжыште тунеммыж годым  «Доброделы» организацийыш коштын. Тыгаяк волонтёр пашам шуктен.  ПГТУ-шко  тунемаш пурымекыже, тысе волонтёр ушемыш возалтын.  Настям кодшо ий декабрьыште вуйлатышылан ойыреныт. (Ондак тиде организацийым Татьяна Прохорова вуйлатен).

Тысе волонтёр организацийлан 2019 ий 19 январьыште 10 ий темеш. Кызыт тушто  100 утла еҥ шотлалтеш. Волонтёр-влак эн ондак тӱрлӧ мероприятийыште полышкалат: уна-влакым вашлийыт, ужатат.  Таза илыш-йӱлам кучат, каныш кечылаште тӱшкан зарядкым эртарат. Тылеч посна ветеран-влаклан полшат, илалше-влакын илыме пӧртышкышкат миен коштыт. Йочапӧртланат жапым ойырат. Икшыве-влак дене модыт, тӱрлӧ мероприятийым эртарат. Модышым, вургемым, шере кочкышым поген, йочапӧртлан пӧлеклат.

Волонтёр паша – кумыл паша. Южгунам волонтёрынат кумылжо вола, сандене мутланаш, шке ужмыжым-шижмыжме нерген чон почынмутланаш манын, нуно тылзылан ик гана вашлийыт, чайым йӱыт, «йыргешке ӱстелым» эртарат, паша планым радамлат. А такшым кажне арнян вашлийыт, южгунам арнялан – икмыняр гана.

Волонтёр организаций полышым пуымаште веле огыл, тыгак форумлаште вийыштым терга. Регионласе «Я доброволец» проектыш ушненыт,  Росмолодежьын грантшым сеҥен налыныт.

- Анастасия, вес ийлан  могай  планда? Мом ышташ, уэмдаш шонеда?

- Паша шуко, планым ямдылыме. Эн ондак ме молгунамсе семынак  мероприятийлаште полышкалаш тӱҥалына. Ача-ава деч кодшо йоча да илалше-влак деке коштына. Тылзылан ыштышаш пашана ончылгоч возалтын, паша эре уло. «Шарнымаш сорта» акцийыште, Сеҥымаш кечын парадыш уло кумылын лектына. Тиде тылзын президентын грантшым налаш манын,  проектым колтенна, сеҥена манын ӱшанена.nastya egorova

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Сайтыш пураш: