"Рубрик деч посна", 2018 ий, Теле тылзын 7-ше кечыже

ЕГЭ-ште — китай йылме

Статьян авторжо Елена Годунова

2018-2019 ийлаште выпускник-влаклан ЕГЭ-м да ОГЭ-м сдатлыме шотышто кугу вашталтыш-влак дене тӱкнаш ок перне. Лач 11-ше классыште тунемше-влаклан шке ойырен налме почеш китай йылмым экзаменым кучаш лиеш гын, 9-ше классысе выпускник-влаклан руш йылме дене иктешлымаш собеседованийым эртыман. Тудым 13 февральыште эртараш палемдыме. ЕГЭ-м сдатлыше-влак иктешлыше аттестацийым 5 декабрьыште сдатлат, сочиненийым але изложенийым возат. Удан але йöршеш возен кертдыме-влак тудым 6 февральыште але 8 майыште уэш возен кертыт. Сочинений «Ача ден йоча-влак», «Шонымаш да илыш», «Ӱчым шуктымаш да чаманымаш», «Искусство да ремесло», «Порылык да чондымылык» теме-влак почеш лийшаш.

Тений ЕГЭ-м кучымо технологий шотышто вашталтышым вучыман. Экзаменационный материал-влакым экзамен эртыме верыш интернет гоч колтат. Тичмаш тыгай технологий илышыш 2020 ий марте пурталтшаш.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: