"Чон-кумыл паша" рубрик, 2018 ий, Теле тылзын 11-ше кечыже

ИРМА куржталеш, сӱретла, пидеш

Статьян авторжо Вероника Мустаева

Ирма Терентьева – Морко район Шлань ялын шочшыжо. Унчо школ деч вара МарГУ-шко «Декоративно-прикладное искусство и дизайн» специальность дене тунемаш пурен. 2017 ийыште университетым тунем пытарымеке, Моско олаш илаш куснен.

Ирма, кунам тый декет творческий шӱлыш


ИрмаТтолын?

- Изинек сӱретлаш йӧратенам, поснак –  пӧрт-влакым. Школышто тунеммем годым пырдыжгазетым эре ямдыленам. Кугурак лийме семын  портретым cӱретлаш тӧченам. Тӱҥалтыште йӧсырак ыле, чылаж годым сӱрет лектын огыл. Иктым ыштет –  ок келше, весым – удан коеш. Тыгай годым тӱҥалме пашам кудалтыме шуын,  кумылат волен. Ик шагат, кокыт, кумыт шинчылтмеке, ала-мо лектын. Тыге эркын-эркын сӱретлаш тунемынам. Вара МарГУ-шко «Декоративно-прикладное искусство и дизайн» специальность дене тунемаш пуренам. Тӱҥалтыште пеш неле лийын, кудалтен каяшат шоненам. Идалыкым чытен лекмеке, тунемаш куштылгыракла чучын. Вара «Дизайн интерьера и мебели» курсышто шинчымашым погенам. Ныл ий  гыч умыленам: тунеммем арам лийын огыл, шуко оҥайым пален налынам. Университетыште тунемме годымак пашам-влакым соцсетьлаш колтенам. Йолташ-влак ужыныт, акленыт да сӱретлен пуаш йодаш тӱҥалыныт.  Шукыж годым пӧлек шотеш сӱретленам. Университетыште  кидпаша нерген пален налынам. Тыгак курчакым, ӱпыш пижыкташ резинкым, заколкым, кӧржым, кидшолым ыштем. Такше школ годсек пидаш йӧратем. Школышто кӧ шукырак пидеш, эре ӱчашена ыле. Кызыт шкаланем пижым,  перчаткым, упшым, шарфым пидам. Ирман1

-Тыйын пашат-влак шкешотан улыт. Выставкыште але калык коклаште шке пашатым ончыктенат?

- Уке. Еҥ-влаклан  ыштымем ончыкташ вожылам. Лач интернет лаштыкыш веле южгунам  шындем. Шукыжо еҥ шинчалан койдымо верыште кия.

Ӱдыр оҥай да шкешотан. Тудым кызытсе йоча-влаклан пример шотеш шындаш лиеш. Ирма шке мастарлыкшым чыла могырымат почын пуаш тырша. Кидпашат вораҥын толеш, спорт илышат ӧрдыжеш ок код. Школ пагыт гычак тӱрлӧ таҥасымаште вийжым терген, шуко гана республикыште сеҥышыш лектын. Университетыште куштылго атлетике дене тренер дене заниматлен, шуко пайдале каҥашым налын. Кызытат тудо кажне кечын 5-10 меҥгым куржеш. Тӱрлӧ марафонлаште шке вийжым терга. Эн шукыжо  32 меҥгым  куржын.Ирман

Вес ийын Москосо кугыжаныш университетыш магистратурыш тунемаш пураш шона. Вожылшо улам манеш гынат, марий ӱдырын чулым улмыжо раш коеш. ир

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Сайтыш пураш: